Al-Quran Tarjama In Roman Urdu Surat-Al Bakarah Ruku-#11

QURAN:

TARJUMA-E-KANZUL IMAAN.

002-Surah Al-Bakrah.

Suratul Baqara Madina mai Nazil hui, is main 286 Aayatain aur 40 Ruku hain.

RUKU # 11.

(87): Aur Beshak Ham ney Moosa ko kitab ata ki aur us k baad pey dar pey Rasool Bhejay aur Ham ney Iessa Bin Maryam ko Khuli Nishaniya Ata farmayi aur

Paak Rooh sey Uski Madad ki to kia jab tumhAaray paas Koi Rasool wo Lay kar aaye jo TumhAaray Nafs ki khwahish nahi, Takabbur karte ho to un meyn ek Giroh

ko tum jhutLatay aur ek Giroh ko Shaheed kartay ho.

(88): Aur Yahudi Boly HamAaray Dilo par parday parhay hain, Balki ALLAH ney un par Lanat ki un k Kufar k sabab, To un mey Thorhay Eiman Latay Hain.

(89): Aur Jab Unke pas ALLAH ki wo Kitab (Qur’an) Aayi jo Un k Sath wali Kitab (Taurait) ki Tasdeeq Farmati Hy aur us sey Pehlay isi NABI k Waseele Sey

kafiro par Fateh Mangtay the to Jab Tashreef Laya unke paas wo jaana pahchana Us sey Munkir Ho baithay to ALLAH ki lanat munkiro par.

(90): Kis buray Molo unho ney apni jano ko Kharida keh ALLAH k utaaray sey munkir hun is ki Jalan sey keh ALLAH apnay Fazl sey apnay Jis Banday par Chahe

Wahi Utare to Ghazab par Ghazab keh saza waar huye aur Kafiro k liye Zillat ka azaab hai.

(91): Aur Jab Un sey Kaha jaye keh ALLAH k utaaray par Eiman lao to kehtay Hain wo jo Ham par Utra us par Eiman Latay Hain aur Baqi sey Munkir Hoty hain

Halakeh wo Haq hai unke paas wale ki Tasdeeq Farmata huwa Tum Farmao keh Phir Aglay Ambiya ko Kyun Shaheed kiya Agar Tumhay Apni Kitaab par Eiman Tha.

(92): Aur Beshak TumhAaray Paas Moosa Khuli Nishaaniya Le kar Tashreef Laaya Phir Tum ney us k baad Bachhday ko Maabood Bana liya aur Tum Zalim the.

(93): Aur Yaad karo jab ham ney tum sey Paimaan liya aur Koh e Toor ko tumhAaray Saro par Buland kiya, lo jo Ham TumheN detay hain Zor sey aur suno! boly

Ham ney Suna aur na mana aur unke dilo meyn Bachhda Rach raha tha un k Kufr k sabab, Tum Farma do kia Bura Hukm deta hai tum ko Tumhara Eiman Agr Eiman

Rakhtay ho.

(94): Tum Farmao Agr Pichhla Ghar ALLAH k nazdeek Khalis tumhAaray liye ho na Auro k liye to Bhala Maut ki Aarzo to karo agr Sachchay ho.

(95): Aur HarGiz Kabhi Uski Aarzo na Karengay Un bad Aamaliyo k sabab jo Aagay kar Chukay aur ALLAH khoob janta hai Zalimo ko.

(96): Aur Beshak Tum zaroor Unhay paoGay keh Sab logo sey Ziyada Jeenay ki Hawas Rakhtay Hain aur Mushriko sey Ek ko Tamanna hai keh Kahin Hazar Baras

Jiye aur Wo usay Azab sey Door na karega itni Umar diya jana aur ALLAH un k Kotak (Yani Buray Kam) dekh raha hy.